ကဗျာများ

အလင်းရောင်
စိုးနေလင်း | တနင်္လာနေ့၊ ဒီဇင်ဘာလ ၂၈ ရက် ၂၀၀၉ ခုနှစ် ၁၃ နာရီ ၂၇ မိနစ် ကဗျာ
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်
“မေတ္တာစိတ်သည် လျှို့ဝှက်ခြင်းနှင့် ကင်းစေလော့
ဆိုးညစ်သော အမှုကို စက်ဆုပ် ရွံရှာကြလော့
ကောင်းမွန်သော အမှု၌ မှီဝဲ ဆည်းကပ်ကြလော့။”
သမ္မာ ကျမ်းစာ
ရောမ သြဝါဒစာ ၁၂-၉
alin-yaung

စာမျက်နှာဟောင်းများပေါ်က

လောဘ ဒေါသ မောဟ မာန်မာန

အမုန်းတရား ရန်မီးရန်စ

ပဋိပက္ခများ၏ အရုပ်ဆိုးသော အမာရွတ်များ

ထင်ရှားရှိလျှက် အသိခေါက်ခက် အဝင်နက်

ချင်းဝက်တူ စက်ဝိုင်းများ အထပ်ထပ်ဖြင့်

တုလွှတ်ကင်းသော ရိုင်းမိုက် ရက်စက်မှုများအား

တရားဓမ္မစက် လက်မှိုင်ချ

နှစ်ဆယ့်တစ်ရာစု ယခုထိ

အပြစ်သား လူသားတို့ ကိုယ်စား

သွေးသားခန္ဒာပေးဆက်

ကားစင်ထက် အသက်စွန့်လွှတ်ပေးလှူခဲ့


အဲဒီမေတ္တာတရား အင်အား

ချစ်ခြင်း အကြင်နာအား ငါအားနာ



ကမ္ဘာပြန့်ဖြစ်စဉ်ထဲမှာ

မွေးဖွား ရှင်သန် တင်ကျန်နေဆဲ

မိတ်ဆွေများ ခင်ဗျား


သတိတရားပွားမျုား

လောကအားအလှဆင်နိုင်ကြစေ။ ။


သားတို့ ပြန်လာပါမည်
သက်ခိုင် | အင်္ဂါနေ့၊ ဒီဇင်ဘာလ ၂၉ ရက် ၂၀၀၉ ခုနှစ် ၁၉ နာရီ ၁၁ မိနစ် ကဗျာ
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

အမေ
သားငယ်ငယ်တုန်း
အမေ့အပြုံး
တချိန်လုံး ပျော်ခဲ့တယ်။
sc
သားအရမ်းဆော့တော့
မနားတမ်းချော့မော့
ဆော့သင့်သလောက်
ချော့ပင့်မြှောက်
တခါတရံ
မောသင့်သလောက် မောခဲ့တယ်။

စာသင်တဲ့အရွယ်
ပျိုမြစ်နုငယ်
ပိုချစ်ခဲ့တဲ့
အမေရယ်။

အမဲသားကြိုက်
သားအလိုက်
အမေ
အားစိုက်ချက်ကျွေးတယ်။

စာတွေမရ
အာတွေကျလည်း
မရမက စာသင်ပြ
အဲ့ဒါ အမေ့အလှ။

အရွယ်လည်းရောက်
လူလားမမြောက်တမြောက်
မကြောက်တတ်တဲ့အရွယ်
ဇောက်မနက်တဲ့ကောင်ငယ်ကို
ချစ်တုန်း
အပြစ်မသုံး
အမေ ဆုံးမတုန်းပါပဲ။

လူပျိုဖော်ဝင်စ
အပျိုတွေမြင်ရ
အမေဘဝင်မကျ
ဒါ
စာသင်ရမယ့်အရွယ်
ကညာခင်ရတဲ့အချိန်မဟုတ်
အမေသမုတ်ခဲ့တယ်။

တက္ကသိုလ်မရောက်
လမ်းတကာလျှောက်တော့
မပျောက်ရမယ့်တရား
အမေ့စကား
လူသားဆန်ရမယ်တဲ့။

စူးစမ်းဆင်ခြင်
အမှားအမှန် မမြင့်တမြင်
တိုင်းတခွင်လုံး
အုံးရုန်းထကြွ
မရမက
တောင်းဆိုနေသည်
ဒီမိုကရေစီ
ဒါကို
သားလည်း လိုချင်ပြီ။

အမေက ချစ်သလား
ဂရုမထား
သပိတ်ကိုသွား
ကျနော့်အား
အမေ
စောင်ပါးလာပို့သည်။

အခြေအနေပြောင်း
အနေအထိုင်မကောင်းတော့
ဆောင်းခိုစရာအတွက်ဒီဌက်
အမေ
တွက်ချက်ရှာပေးတယ်။

ပါတီတွေထောင်
ဒီမိုကရေစီရအောင် ဆောင်မယ်လို့
သားက ကြွေးကြော်တော့
အမေတွေးကာမော့
အော်
ငါ့သားတော့ မောရှာမပေါ့လို့
အမေ့အမြင်
သားမထင်ခဲ့ပါဘူး။

ကဗျာရူးစာရူး
ဒီသားဦး
အမေ့နဖူးမှာ
ထာဝရဦးနေမှာလို့
အမြဲတွေးထင်
သားကွေးတဲ့ကုတင်
အမေ
ထွေးလျက် အစဉ်နေမှာပါ။

ဒီလိုနဲ့
အချစ်ဦး
မပစ်ဖူးဘဲနဲ့
အသစ်အထူးထွင်တဲ့
စစ်ဦးအမြင်နဲ့
ရရင်ရ
မရရင်ချ
အဲဒါသားတို့ဘဝ
အလှ။

အမေ့ကို စွန့်ခွာ
တောကို ချစ်လာ
ဘယ်ခါမသုဉ်း
အမှန်ဆုံးအတွက်
သူပုန်စစ်သား
အမေ့အား
နှုတ်ခွန်းမဆက်သနိုင်ခဲ့ပါ။

ဌက်ဖျားမကြောက်
တောတကာရောက်
ဆားတောင် ပျောက်ခဲ့ရအလီလီ
(တကယ်ဆို)
အမေတွေးလို့
မဖြေနိုင်ပြီ။

စမ်းရေတွေခြောက်၊ လမ်းတွေ ပျောက်လည်း
မကြောက်တရား၊ စိတ်မှာထား
မနားချီနေ၊ သားတို့တတွေ
သွေးချွေးတွေထွက်၊ ပြည်သူအမြတ်
တသက်ခံစားစေ။

တောလည်အဆုံး၊ နေ့တိုင်းမုန်းလည်း
ကုန်းရုန်းချီတက်၊ ကလေးတွေအတွက်
ပေးဆပ်ရမလေ၊ ကမ္ဘာမကြေ။

စနစ်ဆိုးတွေ ပျက်သုဉ်း
အချစ်တွေတောင်လိုဖုံး
အဲဒီလို အဆုံးကျတော့
အမေ့အတွက် စံပယ်တထုံး
သားစီကုံးလို့
(ဘယ်လိုမှ)
မေ့မရတဲ့မြန်မာပြည်
တနေ့တော့
အမေ့ဆီ
သားတို့ ပြန်လာပါမည်။

ဝဝး၂၆ (၂၉.၁၂.ဝ၉)


ကွင်းလုံးကျွတ် လူဖြစ်မယ့်နေ့
AMT | သောကြာနေ့၊ ဒီဇင်ဘာလ ၁၁ ရက် ၂၀၀၉ ခုနှစ် ၁၇ နာရီ ၁၅ မိနစ်
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်


ကွင်းလုံးကျွတ် လူဖြစ်မယ့်နေ့အခင်းဖြစ်ပွားသလို လူဖြစ်ခဲ့ရ
ရှေ့နေမငှားဖြစ်ပါ။

နှစ်ကာလတို့ အနာဖတ်လို ကွာကျ
ဆင်သွားလို့ လမ်းဖြစ်ပြန်ပြီ။

လမ်းတွေရဲ့အိမ်ဟာ “ မြို့”
အဲဒီတမြို့လုံး တရားလိုပြ သက်သေပဲထား
ဆင်သေပေါ် ငါလိုက်မသွားခဲ့။

မနက်ခင်းကိုပဲ မနက်စာထိုင်စား
ဟေ့ … ဒီဇင်ဘာ ၁၀
ငါနဲ့ ကမ္ဘာကြီးကြားမှာ တခုခုသွားကြားညပ်နေတယ်။

(ဒီဇင်ဘာလ ၁၀ ရက်၊ ၂၀၀၉)



အလွဲများ
ဆောင်းယွန်းလ | ကြာသပတေးနေ့၊ ဒီဇင်ဘာလ ၁၀ ရက် ၂၀၀၉ ခုနှစ် ၁၅ နာရီ ၁၅ မိနစ်
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်


အလွဲများခုန်ဆွ ခုန်ဆွ
လက်တွေ လေထဲ မြှောက်မြှောက်ပြတဲ့
ခေတ်ရဲ့ ဟစ်ပ်ဟော့ပ် တပုဒ်ကလည်း
ရင်နဲ့နားထဲ လုံးဝ မစွဲလေဘူး …။

ဟိုသီချင်းတပုဒ်ထဲကလို
မေရှင် ဓာတ်ပြားဟောင်းလေးပဲ
နားထောင်ရရင် ကောင်းမလား
”အင်း”…. ခေါင်းစားတယ် ….။

ချစ် ကြိုက် ကွဲ ညား
ရုပ်ရှင်တကားလည်း မကြည့်ချင်ဘူး …။

မင်းသားနဖူးကို သေနတ်နဲ့ချိန်
ဗီလိန်ကို အကယ်ဒမီပေးနေတဲ့ ဇာတ်ကား
ရုံတင်ထားတာလည်း ကြာပြီ ….။

မကြာမီ မျှော် ..
ရင်ခုန်ရလေသော ဇာတ်လမ်း
ကြော်ငြာ စာတမ်းတွေကတော့ တင်းကျပ်ပြည့်
ရုံတင်ဖို့ နေ့စွဲက မရှိသေး …။

အေးအေးသက်သာ
ကဗျာတပုဒ် ရေးဖို့အတွက်
ကီးဘုတ်ပေါ် လက်တင်တဲ့အခိုက်
”ဟိုက်”… မီးပျက်သွားပါပကော
စိတ်ထဲ မောလိုက်တာ …။

နေ့တနေ့ရဲ့ ”ပြီးပါပြီ” စာတန်းအထိုး
ကောင်းကင် အဆိုးက
သတင်း မိုးတွေရွာ
ဒီကနေ့ညလည်း မနေ့ညကလိုပါပဲ
အပြိုပြို အလဲလဲ
မျှော်လင့်ချက်တွေ နည်းပြီး
အကွဲအပြဲတွေ ရွှဲစိုနေတဲ့ လေအိုအိုမှာ
မွန်းကြပ်မှုတွေ အလိပ်လိုက် တွဲခိုနေတယ် …..။ ။




သက်ကြီးစကား သက်ငယ်ကြား
စိုးနေလင်း | ကြာသပတေးနေ့၊ ဒီဇင်ဘာလ ၁၀ ရက် ၂၀၀၉ ခုနှစ် ၁၄ နာရီ ၄၀ မိနစ်
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်


သက်ကြီးစကား သက်ငယ်ကြားမိုးရွာတုန်း ရေမခံ မိခဲ့ကြသော
ခလုပ်ထိမှ အမိတသူများ
ကျားသနားမှ နွားချမ်းသာရမည့်အဖြစ်
ဘူးတောင်းနစ်လို့ စောင်ခြမ်းပေါ်သော ကာလ
အိပ်ချင်ယောင်ဆောင်သူကို အနှိုးရခက်နေပုံ။

သည်ယုန်မြင်လို့ သည်ခြုံထွင်မှန်း သိသိနဲ့
ဝ မရှိဘဲ ဝိ လုပ်လိုသူများကို ခေါင်းညိတ်
လိမ့်နေသည့်ဘီး ရေညှိမကပ်နိုင်ထုံးဖြင့်
လွတ်တဲ့ငါး ကြီးနေနိုင်ရဲ့ … ဆိုပြီး
ပိုးဖလံမျိုးတို့ မီးကိုတိုးဖို့ ပြင်ဆင်နေကြပုံ။

သိုးရေခြုံသော ဝံပုလွေများ လက်ခမောင်းခတ်
လူနပ်ချမ်းသာ တေးသွားအလိုက်နဲ့
မျက်ဖြူဆိုက်လေ ဆရာကြိုက်လေ
မြွေမှန်ရင် တွင်းဝင်ဖြောင့်ရမှာပ … တဲ့
သခင်အားရ ကျွန်ဒဏ်ဝဖြစ်ကြရပုံ။

နေသေးသပ ခြုံထဲက
ချိုသွေးသမှ တမြမြ။

တလှေတည်းစီး တခရီးတည်းသွားများ
ဘီလူးစည်း လူ့စည်းခြား
တယောက်အားဖြင့် ယူသော်မရ
တသောင်းအားဖြင့် ယူသော်ရ၏
ငုပ်မိသဲတိုင် တက်နိုင်ဖျားရောက်ရှိကြစေ။ ။



၉၆ ဒီဇင်ဘာ
AMT | အင်္ဂါနေ့၊ ဒီဇင်ဘာလ ၀၈ ရက် ၂၀၀၉ ခုနှစ် ၁၁ နာရီ ၅၄ မိနစ်
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်


၉၆ ဒီဇင်ဘာငါတို့လက်ချင်းချိတ်လိုက်တာနဲ့
ပလပ်ထိုးပြီးသား ထွက်ကျလာတဲ့ သံပြိုင်တေးနဲ့
၉၆ ဒီဇင်ဘာဟာ သိပ်ပြီး မအေးခဲ့ပါဘူး။

သူတို့ရဲ့ ပထမအတ္တဟာ
မင်းကို အေးစက်ဆွံ့အစေဖို့ပဲ
သို့ပေမယ့် မင်းက
နှလုံးသားရဲ့ဗဟိုမှာ မီးကိုပန်ဆင်ခဲ့တယ်။

ငါတို့က ကတ္တရာလမ်းမပေါ်မှာ
တိုင်းပြည်ကို ရေးချတယ်
သူတို့က စစ်ခွာရှပ်ပြီး
အကြမ်းဖက် ဖြိုဖျက်တယ်
ငါတို့ တရားဟောတဲ့ သစ်သားခွေးခြေပုငယ်ဟာ
စစ်ခွေးစွယ် မကြောက်ခဲ့ဘူး။

သူတို့က ... နေ့ကိုရော
ညကိုရော
လူထုကိုရော
သမိုင်းကိုရော
မင်းရဲ့လမ်းမတွေကိုပါ
မီးဖြတ်ခဲ့ကြတယ်၊
မင်းသတိရမလား
အဲဒီညရဲ့အတောက်ပဆုံးကြယ်တွေကို ...
သူတို့က .. လူတွေကိုရော
ကားတွေကိုရော
စာတိုက်ပုံးတွေကိုရော
မော်တော်ပီကယ်ရုံးကိုပါ
ရိုက်ချိုးခဲ့တယ်။

မင်း မြင်ရဲ့မဟုတ်လား
မပြိုလဲခဲ့တဲ့ အမှန်တရားကို
အို ... ဒီဇင်ဘာ ၆
မင်းရင်ဘတ်ထဲ အမှောင်ထုကြီး ကျရောက်
အဓမ္မရေလုံး တိုးဝင်
လူထုငိုညည်း
စစ်ဖိနပ်သံ နီးကပ်
ငါတို့ရဲ့ ရေစို ဂျင်းအနွေးထည်တွေအောက်
ကမ္ဘာမကြေသီချင်း မီးထတောက်ခဲ့တယ်။ ။

(၁၉၉၆ ခုနှစ် ဒီဇင်ဘာလ ၆ ရက်နေ့ သပိတ်မှောက် ကျောင်းသား၊ ကျောင်းသူများသို့ အမှတ်တရ)




တပိုင်းတစ စာမျက်နှာ
စိုးနေလင်း | အင်္ဂါနေ့၊ ဒီဇင်ဘာလ ၀၁ ရက် ၂၀၀၉ ခုနှစ် ၁၂ နာရီ ၄၀ မိနစ် ကဗျာ
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

ta-paing-ta-sa
မြို့ကလေးရဲ့ သူစိမ်းဆံဆံ အကြည့်တွေကို
တည့်တည့်ရှုရှု ပြန်ကြည့်ရင်း
အချင်းတဲ့အဆင်း ပဉ္စလက်အတတ်ပညာမှာ
ပညာရှိယောင်ဆောင် သူဆောင်
အမှောင်ဓာတ်မှာ ကျင့်သား ရသူရ
ဘဝအဓိပ္ပယ်ဆိုတာ
အစာအိမ်နဲ့ ပိုင်ဆိုင်မှုတောက်ပဖို့မှာ
လာသူလာ သွားသူသွား
ဘာများထူးခြားလာနိုင်ပါသလဲ။

ကဲ .. အဲဒီလမ်းကို လျှောက်ခဲ့ကြသူတွေကို ပြန်စဉ်းစား
နီးရာဓား ကြောက်ရသူများချဉ်းသာ
ကြာကြာဝါး ခါးမှန်းသိပြီးကြ
ငါ့ဝမ်းပူဆာ မနေသာ
ပလာအစုဝင်များ လူးလွန့်
စွန့်ပစ်ခဲ့ရသော အိပ်မက်လှလှတို့ … ဝေးပျ
ကျောမက တကိုယ်လုံး အချခံကြရ။

စကတည်းက မွေးခဲ့ကြသော ဆူးပင်များ
ပေါက်ပွားကြီးထွား အဆိပ်သင့်
အဆင့်ဆင့်လျှောကျ ပျက်စီးမှုဖြစ်စဉ်မှာ
ပင်လယ်ပြင်သာ နာဖျားမကျန်းဖြစ်
မြစ်တို့ ခမ်းကောခဲ့ကြပြီ။

ရေကြည်သောက်ဖို့ တွင်းတူးခဲ့ကြ
ဆယ်စုနှစ်ပေါင်းများစွာ
မီးလောင်ပြာတို့ အထပ်ထပ်
ဖြစ်ရပ်မှန် ဇာတ်လမ်း ဇာတ်ရမ်း
အလွမ်းဇာတ်နာ
ဘယာနကနဲ့ သိပ်သည်းမွန်းနစ်
ဖြစ်တည်မှု သေးကွေးမှုန်မွှားလာရာမှ …
လမ်းဆုံလမ်းခွကို တခါပြန်ရောက်ခဲ့ရပြန်ပြီ
တောင်ဆီမှာကလည်း မိုးတွေ မည်းနေဆဲ။ ။



မိုးချုပ်တော့မယ် …. ပွဲက မစသေးဘူး
ဆောင်းယွန်းလ | ကြာသပတေးနေ့၊ နိုဝင်ဘာလ ၂၆ ရက် ၂၀၀၉ ခုနှစ် ၁၄ နာရီ ၄၈ မိနစ် ကဗျာ
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်


နေ့ရက်ပူပူတွေ အလယ်မှာ
လက်ထဲ မယ်မယ်ရရ ဘာမှမရှိ
တရေးနိုးတိုင်း ထကြည့်မိတဲ့ မှန်တွေထဲမှာ
တာဝန်မကျေတဲ့ အသိတွေပဲ ပုံရိပ်လိုထင်ဟပ်
စိတ်က ကျုပ်ကို မသေမချင်း သတ်နေတယ် …။
saung-yon-hla
ကိုလှသန်းစာသား ခဏငှားရရင်
”အကြောင်းကြောင်းကြောင့်
လက်ခမောင်းခတ်ရမယ့်နေ့ကို မျှော်နေမိတယ်” …။

အဟောင်းအဟောင်းတွေနဲ့ လွဲခဲ့ရသလို
အသစ်အသစ်တွေကလည်း ဘဝနဲ့ အံမကျခဲ့သေးပါဘူး ….။

အိုမာခရမ်လို ပြက္ခဒိန်တွက်တတ်ရင်တော့
ပြဿဒါးနေ့တွေကို ပြက္ခဒိန်ထဲက အပြီးထုတ်
ရက်ရာဇာတွေနဲ့ နန်းတက်ဘုရင် လုပ်ချင်တယ် ….။

ဂျူးလိယက်ဖူးချစ်ဆီက တောင်းပြီး
ပစ်ဖူးခဲ့တဲ့ နောက်ဆုံးကျည်ဆံတွေလည်း
သတ်ကွင်းထဲမှာ တတောင့်ပြီး တတောင့် …။

လက်ဖြောင့်တပ်သား မဖြစ်ခဲ့လို့ ကျည်ဆံတွေပြုန်း
ချွန်သလောက် တုံးနေရတဲ့ ကံကြမ္မာ
နေရာတကာမှာ အကွက်တိုင်း ဟာနေတာ သေချာသလောက်ပဲ …။

ရောင့်ရဲမှုတွင်းထဲမှာ
စိတ်တွေအနည်ထိုင်တဲ့ထိ ထိုင်စောင့်ကြည့်နေရရင်း
မျှော်လင့်ခြင်းကို ရေခပ်ဆင်းမိတဲ့အခါ
အချပ်ပို စကားလုံးတွေသာ တရွက်ပြီးတရွက် ပိုလာခဲ့
တရက်ပြီးတရက် အလဟဿအိုလာခဲ့တယ် ….။

ဘယ်ဆီဘယ်ဝယ်ဆိုတာ
မှန်းဆကာ တမ်းတနေရမယ့် အရာလား
အိပ်မက်ကို အခမဲ့ရုပ်ရှင်တကားလို ကြည့်ရတာ
ဖီလင်မလာတဲ့ နတ်သုဒ္ဒါကို စားရသလိုပဲ …..။

မိနစ်ကိုးဆယ်လုံးလုံး လက်စွမ်းပြခွင့် မရခဲ့တဲ့
ဂိုးသမားတယောက်လိုပဲ
မိုးထဲရေထဲမှာ သူများတွေ ကန်တာကိုပဲ
သည်းမည်းကြည့်နေခဲ့ရ
မိုးချုပ်တော့မှပဲ ပွဲကမစသေးမှန်း သိခဲ့ရတော့တယ် ……။

(တရေးနိုးတိုင်း ခြောက်လှန့်နေတဲ့ အိပ်မက်တွေနဲ့အတူ ဒီကဗျာကို တရေးနိုးမှာ ထရေးမိပါတယ်။)

ကဗျာပြီးဆုံးချိန်။ ။ နိုဝင်ဘာလ ၂၄ ရက်၊ နံနက် ၃ နာရီ ၃ဝ မိနစ်



အားတင်းထားတဲ့ကဗျာ
မင်းဝင့်သူ | တနင်္လာနေ့၊ နိုဝင်ဘာလ ၂၃ ရက် ၂၀၀၉ ခုနှစ် ၁၄ နာရီ ၁၂ မိနစ် ကဗျာ
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်


တခါတခါ ကာလဒေသ အခင်းအကျဉ်း
မှားယွင်းဖြစ်တည်မှုများ
အဝေဝါးဆုံး ပုံရိပ်ယောင်များက
ကကြိုးသစ်အမျိုးမျိုးကို ထုဆစ်
အပြစ်ရှာလိုသူ ဝံပုလွေရှေ့မှောက်
(အသက်ရှူသံတွေကို)
ခေါက်ရိုးကျိုးပစ်လိုက်ကြ။
oooo
ဘယ်အကျော့မှာ ဘာကိုဆွေးနွေးလို့
ဘာကိုဆုံးဖြတ် …
တခန်းမရပ် အလွမ်းဇာတ်ညွှန်းချည်းသာ
ယာလည်း ညက်၊ ကြက်လည်း ပမ်းခဲ့ပြီးနောက်
ချောက်ကမ်းပါးစပ်ကို တခါပြန်ရောက်ခဲ့ရ။

ကြဲချလေစ သဲရှပ်ရှပ်တွေကိုတောင်
မာန်စောင်လုယက်ဖို့ တာစူ
ဆူလွယ်နပ်လွယ် စာမျက်နှာတို့ကို ရေးဖွဲ့
ပဲ့နင်းဖြစ်လိုကြသော ပင်လယ်ဖျံအသီးသီး
ယိုယီးလေး ယီးလေးယို ….
လှိုင်းလုံးတွေကို အလိုက်သင့်စီးဖို့သာ။

မြေနိမ့်ရာမှာ လှံတန်များစွာ စူးစိုက်
အဲဒီနှစ်ချို့ရှိုက်သံတို့ လျှံကျ
ရောင်းသူဈေးကွက်* စိတ်ကြိုက်ဖြစ်နေဆဲ
ပစ်ဖဲကိုစောင့်စားလိုကြ
သိပ်သည်းဆ နည်းပါးလွန်းလှ၏။

မရှိ၍ ရှိသူတို့ ပေါင်းစည်းညီညာ
တေးတပုဒ်ကို သီဆိုနိုင်ပါမှ
လောကပါလ တရားတို့ ရွက်ရှင်ဖားဖား
ပန်းများကိုပွင့်လွလာစေနိုင်ရဲ့။ ။



မြေခွေးဈေးကွက်
စိုးနေလင်း | ဗုဒ္ဓဟူးနေ့၊ နိုဝင်ဘာလ ၁၈ ရက် ၂၀၀၉ ခုနှစ် ၁၄ နာရီ ၂၂ မိနစ် ကဗျာ
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်


ရာသီအပြောင်းအလဲကတော့
အားကောင်းကောင်းနဲ့ ပညာပြ
ကျိုက်ကျိုက်ဆူ ရေနွေးကရားတခုကို
မျိုချထားရသလိုမျိုး …
ဂိုးသွင်းတိုင်းလွဲနေတဲ့ တိုက်စစ်မှူးတယောက်
တချပ်မှောက် ဆက်ဆံရေးကြား
ပါးလျားကြုံလှီလာခဲ့ပုံ။
z
ခြုံပေါ်ရောက်ခဲ့သူတွေက
အစ အဆုံး အားလုံးကောင်းတဲ့ လမ်းဆိုပဲ
ချော်လဲရောထိုင်ခြင်း အတတ်ပညာမှာ
ပါမောက္ခ အသီးသီး ဖြစ်နေကြ
ငါ့မှာ … တိုးရှဲအားတင်းသွားနေရင်း
ဖောင်စီးရင်းရေငတ်
လက်မှတ်မဲ့ ခရီးသွားမျှသာ။

အလာမကောင်း အခါနှောင်း စည်းချက်မှာ
ဆေးစက်ကျရာ အရုပ်ကြိုးရှုပ်
ဒီလိုပုံနဲ့ မိုးကြီးချုပ်ရင်ဆိုပြီး
အမြီးကျက်အမြီးစား
ဆွံ့အ နားမကြား စည်းရိုးပေါ်က
အမျှဝေသံကြားနေရ။

ဈေးကွက်ထဲမတော့
ကျွဲကူးရေပါ တို့ပွရောင်း
နဂါးမျက်စောင်းနဲ့ လင်းယုန်လက်သည်းကြားမှာ
ဘယ်သူခွဲခွဲ တို့မကွဲ
ခဲတလုံးနဲ့ ငှက်ငါးကောင် …
ဟောဟို … တောင်စွယ်မှာ
နေရောင်က မေးတင်လုလု။ ။



တောင်ပံကျိုးနဲ့ ခံတွင်းပျက်
စိုးနေလင်း | ဗုဒ္ဓဟူးနေ့၊ နိုဝင်ဘာလ ၁၁ ရက် ၂၀၀၉ ခုနှစ် ၁၇ နာရီ ၂၆ မိနစ် ကဗျာ
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်
soe
ရာသီဥတုနဲ့ ပထဝီအနေအထား
စေစားရာအရ
လေဖိအားနည်းရပ်ဝန်းတခု ဖြစ်လာဦးမလား
ပင်လယ်ကြမ်းပြင်အောက် မြေငလျှင်တခု လှုပ်လာဦးမလား
အပူလှိုင်းများ ဖြတ်ဦးမလား
အားကောင်းတဲ့ မုန်တိုင်းတွေကလည်း တခုပြီးတခု
ကွန်ပြူတာအတု ပြုလုပ်ချက်တွေကြား
စာလုံးပေါင်း အကြိမ်ကြိမ် မှားခဲ့ကြ
ဘုရားကား အောက်၊ မျောက်ကား အထက်
မျက်နှာပျောက်လုလုအခြေ။

လေရူးလို့ဆိုဖို့ကလည်း
နွေဦးမဟုတ်သောကာလ
သူခိုးက လူလူဟစ်
မြစ်မချမ်းသာဖြစ်စဉ်ထဲ
ဘာနဲ့ပဲ လဲရ လဲရ ဆိုပြီး
မီးကိုတိုးမယ့် ပိုးဖလံမျိုး
ရိုးတိုးရွတဖြစ်နေကြပြန်ရဲ့။

မြစ်နက်တွေဟာ ရေစီးတည်ငြိမ်ကြသတဲ့
အမျိုးသား အမျိုးသားဆိုပြီး
နိုးကြားခဲ့တဲ့ကာလ ရှိခဲ့ပေမယ့်
အမိမဲ့သား ရေနည်းငါး
တုံးအောက်ကဖား ပြားပြားချည်းသာ
ရွာနာတာလည်း ကာလရှည်ကြာ …
ဟောဟိုမှာ …
ဘာလင်တံတိုင်းကြီးကို ဖြိုချလိုက်ကြတာ
အနှစ်၂၀ ကြာခဲ့ပေါ့။ ။



ဟေမန္တနဲ့  အင်တာဗျူး
မောင်လွမ်းဏီ | တနင်္လာနေ့၊ နိုဝင်ဘာလ ၀၉ ရက် ၂၀၀၉ ခုနှစ် ၁၈ နာရီ ၂၈ မိနစ် ကဗျာ
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

Poem
နှင်းလို့ ခံစားရင်း
အေးစိမ့်ပုံဆောင်ခြင်းကို
ဆောင်းလို
ကိုယ့်ကိုယ်ကို သိုးမွှေးထိုးနေမိ
အသိနဲ့  နွေးထွေးမှုက
ဘဝကို ရက်လုပ်မှာ။

နှစ်နံစပ် နယ်ဖြတ်သွေးကြောက
နယ်နိမိတ်တောလား
သဘောထား ပြတ်သားရှင်းလင်း
ထင်းခွေမကြုံ ရေခပ်ဆုံချင်။

ဟိုနွေမှာ အမေသေခဲ့
ဟိုမိုးမှာ အဖေ လေဖြတ်ခဲ့
ဟိုဆောင်းမှာ မင်းအဖေ ခြေကျိုးခဲ့
သုံးရာသီထဲမှာ ရဲဘော်တွေလေ
နေကွယ်ကုန်းကိုပဲ ဆဲရေးတိုင်းထွာ
ကဗျာမဆန်တဲ့ သံလွင်ပန်းချီလမ်း
ထိန်လင်းများ ထွင်းဖောက်မလား ငံ့မျှော်။

အဖေ
အိပ်တော့လေ
ဆေးသောက်ပြီးပလား
အဖေ့ကို သား စောင့်နေတာ
နာရီလည်း ကြည့်။

စောင့်ရခြင်းကို ကဗျာလို ဘာသာစကား
ခါးသီးရသ ဘဝလား
အိမ်သူတောင် စောင်ထူထူခြုံ
အိပ်မက်ကို လုံအောင်ဖုံးနေရှာ။ ။

(၆-၁၁-၀၉)